ពេលវេលាគេង គឺជាពេលវេលាសម្រាករបស់មនុស្ស ដែលចាំបាច់ត្រូវតែមានដាច់ខាត។ ការគេងបានគ្រប់គ្រាន់ ជួយអោយលោកអ្នកមានស្មារតីរឹងម៉ាំ កំលាំងពលាំងខ្លាំងខ្លា និងមានសម្រស់ស្រស់សោភាទៀតផង ហេតុដូច្នេះទើបលោកអ្នកចាំបាច់ត្រូវគ្រប់គ្រង រឺបង្កើតទម្លាប់នៃការគេងអោយបានត្រឹមត្រូវ ដើម្បីបញ្ជៀសផលប៉ះពាល់ផ្សេងៗលើរាងកាយ និងការរស់នៅរបស់យើង។
មុននឹងលំអិតអំពីម៉ោង និងអាយុដែលគួរគេងអោយត្រឹមត្រូវនោះ សិរីសួស្តី សូមរំលឹកពីផលប៉ះពាល់សំខាន់ៗមួយចំនួនបណ្តាលមកពីការគេងមិនលក់ រឺការមិនព្រមគេងរបស់យើង។ មានទម្លាប់មួយចំនូនដូចខាងក្រោមដែលលោកអ្នកគួរបន្ថែម..៖
- ដល់ពេលញ៉ាំ លោកអ្នកត្រូវតែញ៉ាំទោះបីជាមិនឃ្លានក៏ដោយ
- ដល់ពេលគេង លោកអ្នកត្រូវតែគេង ទោះជាលោកអ្នកមិនងងុយក៏ដោយ
- ដល់ពេលក្រោក លោកអ្នកត្រូវតែក្រោក ទោះជាលោកអ្នកមិនចង់ក្រោកក៏ដោយ
ចុះបើផ្ទុយពី៣ចំនុចខាងលើ ជាពិសេសគឺចំណុចទី២ដែលជាប្រធានបទរបស់យើងវិញ តើយើងអាចនឹងប្រឈមអ្វីខ្លះ? ការគេងមិនគ្រប់គ្រាន់អាចប៉ះពាល់ដល់…៖
- ទម្លាប់នៃការគេង
- ធ្វើអោយរាងកាយចុះខ្សោយ អស់កំលាំង គ្មានថាមពល
- បាត់បត់ស្មារតីក្នុងការបំពេញកិច្ចការ
- មានជំងឺស្តេ្រស ដែលជាដើមហេតុនៃជំងឺសសៃឈាម និងបេះដូង
- អាចធ្វើអោយលោកអ្នកប្រឈមនិងការកើតមានជំងឺទឹកនោមផ្អែម
- និងកត្តាផ្សេងៗទៀត អាស្រ័យលើស្ថានភាពជីវិតប្រចាំថ្ងៃរបស់លោកអ្នក
ដូច្នេះ ដើម្បីកំចាត់ហានិភ័យទាំងនេះ លោកអ្នកត្រូវបង្កើតទម្លាប់គេងអោយបានត្រឹមត្រូវ និងអនុវត្តន៌តាមតារាងកាលវិភាគតាមគំលាតអាយុដូចខាងក្រោមនេះ..៖
- អាយុ ពី ០ ទៅ ៣ខែ ត្រូវគេង ពី ១៤ ទៅ ១៧ម៉ោង
- អាយុ ពី ៤ ទៅ ១១ខែ ត្រូវគេង ពី ១២ ទៅ ១៥ម៉ោង
- អាយុ ១ ទៅ ២ឆ្នាំ ត្រូវគេងឱ្យបាន ១១ ទៅ ១៤ ម៉ោង
- អាយុ ៣ ទៅ ៥ឆ្នាំ ត្រូវគេងឱ្យបាន ១០ ទៅ ១៣ ម៉ោង
- អាយុ ៦ ទៅ ១៣ឆ្នាំ ត្រូវគេងឱ្យបាន ៩ ទៅ ១១ ម៉ោង
- អាយុ ១៤ ទៅ ១៧ឆ្នាំ ត្រូវគេងឱ្យបាន ៨ ទៅ ១០ម៉ោង
- អាយុ ១៨ ទៅ ២៥ឆ្នាំ ត្រូវគេងឱ្យបាន ៧ ទៅ ៩ម៉ោង
- អាយុ ២៦ ទៅ ៦៤ឆ្នាំ ត្រូវគេងឱ្យបាន ៧ ទៅ ៩ម៉ោង
- អាយុ ៦៥ឆ្នាំឡើង ត្រូវគេងឱ្យបាន ៧ ទៅ ៨ម៉ោង
