តើមានអ្វីអាចវាស់ស្ទង់អំពីតំលៃនៃសេចក្តីស្នេហារបស់អ្នកបាន? ទំនងជាមិនមានវត្ថុណាអាចវាស់ស្ទង់បានទេ គឺមានតែការវាស់ស្ទង់តាមរយៈសកម្មភាពជាក់ស្តែងរបស់អ្នកទាំងពីរតែប៉ុណ្ណោះ ទើបអាចដឹងថា តើសេចក្តីស្នេហារបស់អ្នកមានដំណើរការដូចម្តេច។
ត្រូវជឿជាក់ថា អនុស្សាវរីយ៌ល្អៗ គឺជាឧិសថទិព្វសម្រាប់ព្យាបាលភាពរកាំរកូស និងសម្រាប់បង្កើតនូវភាពផ្អែមល្ហែមសម្រាប់គូស្នេហ៌ ហើយក៏ជាគន្លិះនៃការកសាងស្ពានសុភមង្គលផងដែរ។ តើអ្នកជាគូស្នេហ៌បានសាងអនុស្សាវរីយ៌អ្វីខ្លះ សម្រាប់ជីវិតស្នេហា?
ពិតណាស់ នៅពេលដែលអ្នកចាប់ផ្តើមយល់ថា អារម្មណ៌របស់អ្នកចាប់ផ្តើមប្រែប្រួលហើយ អ្នកប្រាកដជាក៏ចាប់អារម្មណ៌ថាដៃគូរបស់អ្នកចាប់ផ្តើមប្រែប្រួលដែរ ព្រោះមនុស្សពីរនាក់ បើម្នាក់ផ្លាស់ប្តូរ ម្នាក់ទៀតក៏បង្ហាញអារម្មណ៌ផ្លាស់ប្តូរដែរ ប៉ុន្តែចំណុច១០ខាងក្រោមជួយបញ្ជាក់បន្ថែម..៖
- អ្នកស្រាប់តែគ្មានបានបង្កើតអនុស្សាវរីយ៌ថ្មីៗ
- អ្នកសំគាល់ឃើញថា ដៃគូអ្នកក្លាយជាមនុស្សចំលែក (ចេញចូលដោយគ្មានដំណឹង)
- អ្នកមិនមានកិច្ចការអ្វីធំដុំជជែកគ្នាទៀតទេ
- អ្នកទាំងពីរ ស្រាប់តែមានអារម្មណ៌ថា ការបង្ហាញសេចក្តីស្រលាញ់ជាសាធារណៈបានធ្លាក់ចុះ
- ប្រឹងប្រែងតែរៀងៗខ្លួន ចំពោះកិច្ចការដែលត្រូវធ្វើរួមគ្នា
- ចាប់ផ្តើមធុញទ្រាន់និងសកម្មភាពដែលអ្នកធ្លាប់តែចូលចិត្តរួមគ្នា
- អ្នកទាំងពីរចាប់ផ្តើមកុហកគ្នាទៅវិញទៅមក
- មិនចាប់អារម្មណ៌និងរឿងរ៉ាវគ្រួសាររវាងគ្នានឹងគ្នា
- មានទំនោរចិត្តចំពោះរឿងផ្សេងគ្នាកាន់តែច្រើន
- បង្ហាញអារម្មណ៌ពិតប្រាកដ ដែលបានលាក់បាំងតាំងពីមុនមក
ប៉ុន្តែគួររំលឹកថា ចំនុចទាំង១០នេះ គឺសុទ្ធតែអាចកែខៃបាន អាចត្រឡប់ក្រោយបាន ដូច្នេះបើសិនជាសេចក្តីស្នេហារបស់អ្នកនៅមានអត្ថិភាពនៅឡើយ អ្នកគួរព្យាយាមធ្វើរឿងល្អៗពីមុននោះឡើងវិញដើម្បីត្រួសត្រាយផ្លូវសារជាថ្មី។
