១៦៨ គឺជាលេខធម្មតានៅចន្លោះលេខ ១៦៧ និងលេខ ១៦៩ ដែលស្ថិតនៅក្នុងខ្ទង់រយ (៣លេខ) អានថា មួយរយហុកសិបប្រាំបី (One hundred and sixty eight)។ វាគឺជាលេខគូ ដែលផ្តើមដោយលេខ ពិត២ចូលគ្នា គឺលេខ១ និងលេខ៦ ដែលគេហៅថាលេខល្អឥតខ្ចោះ។
នៅក្នុងទ្រឹស្ដីតួលេខ លេខល្អឥតខ្ចោះគឺជាចំនួនគត់វិជ្ជមានដែលស្មើនឹងផលបូកនៃការបែងចែកវិជ្ជមានរបស់វា ដោយមិនរាប់បញ្ចូលលេខខ្លួនឯង។ ឧទាហរណ៍ 6 មានចំនែក ១, ២ និង ៣ (មិនរាប់បញ្ចូលខ្លួនវា) និង 1 + 2 + 3 = 6 ដូច្នេះ 6 គឺជាចំនួនដ៏ល្អឥតខ្ចោះ។
ប្រវត្តិសាស្រ្ត
ឆ្នាំ ១៦៨មុនគ.ស គឺជាឆ្នាំដែលរកឃើញនៅក្នុងប្រតិទិន របស់ជនជាតិដើម ជូលៀន រូម៉ាំង។ ប្រតិទិននេះ ត្រូវបានប្រើតាំងពិមជ្ឈឹមសម័យដំបូង មុនពេលប្រតិទិន Anno Domini បានប្រកាសប្រើនៅអ៊ឺរ៉ុបសម្រាប់ការដាក់ឈ្មោះឆ្នាំ។
- Jia Yi អ្នករាជការចិន ជាកវី និងអ្នកនយោបាយដ៏មានឥទ្ធិពលនៅសម័យចក្រភពឈីងឆ្នាំ (១៣៣ មុនគ.ស) បានស្លាប់។ គាត់ជាអ្នកដឹកនាំម្នាក់ នៅក្នុងសម័យ ហាន ខាងលិច និងជាអ្នកនិពន្ធដ៏ល្បីល្បាញបំផុតក្នុងសម័យនោះ។ ស្នាដៃរបស់គាត់ត្រូវបានរក្សាទុកដល់សព្វថ្ងៃ។
- Xin Zhui (ស៊ីនឈួយ) ភរិយារបស់មេទ័ព លីចាង ស្តេចត្រាញ់ក្រុងឆាងសា បានស្លាប់។ ស៊ីនឈួយត្រូវបានគេចាត់ទុកថាជាស្ត្រីឆ្នើម មានឥទ្ធិពល និងមានប្រាជ្ញាឈ្លាសវៃ និងមានចិត្តសប្បុរស ដែលប្រជាជនចិនបានស្គាល់ និងគោរពរហូតដល់សព្វថ្ងៃ។ ផ្នូររបស់អ្នកស្រី ស៊ីនឈួយ ត្រូវបានគេរកឃើញនៅឆ្នាំ ១៩៦៨ នៅទីក្រុងឆាងសា ប្រទេសចិន។ សាកសពរបស់អ្នកស្រី នៅរក្សាបានយ៉ាងល្អ (នៅទាំងស្បែក សក់ ក្រចក)។ តួខ្លួនសាកសពនៅតភ្ជាប់គ្នាទាំងអស់ ដូចមនុស្សទើបស្លាប់ថ្មីៗ។
- ព្រះចៅអធិរាជ Ling រាជវង្សហាប ស្នងរាជ្យបន្តពីអធិរាជ Huan ជាអធិរាជនៃរាជវង្សហានចិន; ឆ្នាំដំបូងនៃយុគសម័យ ជានីង។
វិទ្យាសាស្រ្ត
- ១៦៨P គឺជាឈ្មោះផ្កាយដុះកន្ទុយនៅក្នុងប្រព័ន្ធព្រះអាទិត្យ។ វាជាផ្កាយដុះកន្ទុយដែលកើតឡើងតាមកាលកំណត់។
- ១៦៨ Sibylla គឺជាឈ្មោះអាចម៍ផ្លាយដែលមានខ្សែក្រវាត់ដ៏ងងឹម និងធំសម្បើមមួយ។
កងទ័ព
- នៅក្នុងសង្គ្រាមលោកលើកទី២ កងទ័ពអាមេរិក និងកងទ័ពជប៉ុនតែងប្រើប្រាស់លេខ ១៦៨ មកដាក់ជាលេខប្រតិបត្តិការ ឬជាឈ្មោះរបស់កងកម្លាំងដូចជា… I-168 ជាឈ្មោះរបស់កងនាវាជើងទឹកជប៉ុន Kaidai-Class និង T-ATF-168 ជាឈ្មោះរបស់កងទ័ពជើងទឹកអាមេរិក USNS Catawba ជាដើម។
ជំនឿជនជាតិចិន
បើតាមជំនឿចិន លេខ ១៦៨នេះ មានសំនៀងស្រដៀងទៅនិងពាក្យជួនពរចិន 一路发 (yi lu fa) ដែលមានន័យថា មានសំណាងនិងវិបុលភាពគ្រប់ផ្លូវទៅកាន់ភាពជោគជ័យ (ហិរញ្ញវត្ថុ) (being lucky and prosperous all the way to (financial) success)។
ឯកសារផ្សេងទៀតលើកឡើងថា លេខ១៦៨ ស្តាប់ទៅស្រដៀងនឹង «ផ្លូវមួយទៅកាន់ភាពរុងរឿង៖ ១ គឺ “មួយ” ៦ គឺ “ផ្លូវ” និង ៨ គឺភាពរុងរឿង / សំណាង» ។
- លេខ១៖ (一, pinyin: yī; Cantonese Yale: yāt) មិនមែនជាសំណាង ឬមិនល្អទេ។ វាជាលេខតំណាងឱ្យអ្នកឈ្នះទី១។ ប៉ុន្តែវាក៏អាចតំណាងឱ្យភាពឯកោ ឬនៅលីវផងដែរ ឧទាហរណ៍ថ្ងៃទី ១១ ខែវិច្ឆិកា ជាថ្ងៃនៅលីវក្នុងប្រទេសចិន ដោយសារកាលបរិច្ឆេទមានលេខ ១ ចំនួនបួន (១១-១១)ដែលតំណាងឱ្យអ្នកនៅលីវ។
- លេខ៦៖ (六, pinyin: liù) ជាភាសាចិនកុកងឺ ស្តាប់ទៅដូចជាមានន័យថា “រលោង” ឬ (溜, pinyin: liū)។ នៅក្នុងភាសាកាតាំង ៦ (Cantonese Yale: lok6) ស្តាប់ទៅមានន័យដូចជា “សំណាងល្អ” ឬ “សុភមង្គល” (祿, 樂 Cantonese Yale: lok6)។ ដូច្នេះ លេខ ៦ ត្រូវបានគេចាត់ទុកជាលេខល្អសម្រាប់អាជីវកម្ម។
- លេខ៨៖ (八, pinyin: bā; Cantonese Yale: baat) មានសំលេងស្រដៀង “發” (pinyin: fā; Cantonese Yale: faat; lit. ‘to prosper’) ដែលមានន័យថា រីករាយ ឬសំណាង។
សរុបមក លេខ ១៦៨ តាមជំនឿចិន វាគ្រាន់តែបញ្ចេញសំលេងស្រដៀងទៅនិងពាក្យ 一路发 (yi lu fa) ដែលមានន័យថា មានសំណាងនិងវិបុលភាពប៉ុណ្ណោះ។
តាមជំនឿខ្មែរ
លេខដែលខ្មែរមានជំនឿ៖
- លេខ៣ តំណាងព្រះពុទ្ធ ព្រះធម៌ ព្រះសង្ឃ (ព្រោះអ្នកកាន់ព្រះពុទ្ធសាសនា)
- លេខ៥ តំណាងឲ្យការបូជាចំពោះព្រះពុទ្ធ៥ព្រអង្គ គឺព្រះកុក្កុសន្ធោ(មាន់) ព្រះកោនាគមនោ(នាគ) ព្រះកស្សបោ (អណ្ដើក) ព្រះសមណគោត្តម (គោ) និងព្រះសិអារ្យមេត្រី (ខ្លា)
- លេខ៧ តំណាងឲ្យញាតិទាំងប្រាំពីរសន្តានមាន៖ ថ្នាក់លើខ្លួនបីជាន់គឺ ឪពុកម្ដាយ ជីដូនជីតា យាយទួតតាទួត និងថ្នាក់ក្រោមយើងបីជាន់គឺ កូនចៅ ចៅទួត និងបូករួមទាំងខ្លួនយើងទាំងអស់គឺប្រាំពីរសន្តាន
- លេខ៩ តំណាងឲ្យ ទេវតា ដែលថែរក្សាទិសទាំងប្រាំបួន គឺទិសបូព៌ ទិសអាគ្នេយ៍ ទិសទក្សិណ ទិសនិរតី ទិសបស្ចិម ទិសពាយ័ព្យ ទិសឧត្ដរ ទិសឦសាន និងទិសខាងលើ
- លេខ១២ តំណាងឲ្យគុណម្ដាយ ១២ ឬគុណធាតុ
- លេខ២១ តំណាងគុណឪពុក
បញ្ជាក់ លេខទាំងអស់ខាងលើ គឺសុទ្ធតែជាលេខសេសទាំងអស់ ប៉ុន្តែក៏នៅមានលេខគូមួយចំនួនដែរ គ្រាន់តែមិននិយមប្រើតែប៉ុណ្ណោះ។ ក្នុងនោះមិនមានលេខ ១៦៨ ដាក់បញ្ចូលមកទេ។
ក្នុងនាមអ្នកកាន់ព្រះពុទ្ធសាសនា គួរសិក្សាផងដែរថា គ្មានលេខ ឬវត្ថុណា ឬទីពឹងអ្វីស្មើដោយការពឹងលើខ្លួនឯង បញ្ញា និងការប្រតិបត្តិសេចក្តីល្អនោះទេ។
ថ្ងៃណាក៏ជាថ្ងៃល្អ លេខណាក៏ជាលេខល្អ ទីណាក៏ជាទីល្អ បើសិនជាចិត្តរបស់យើងជ្រះស្រឡះ ស្អាតបរិសុទ្ធ មិនជាប់ជំពាក់ដោយមន្ទិលសៅហ្មងទាំងឡាយ។ បើចង់ឲ្យថ្ងៃណាក៏ជាថ្ងៃល្អ ចូរវៀរចាកនិវរណធម៌៥ ដូចជា..
- កាមច្ឆន្ទៈ (Kāmacchanda) : សេចក្តីប្រាថ្នា ឬ ការពេញចិត្តចំពោះកាម;
- ព្យាបាទៈ (Byāpāda, Vyāpāda) : គំនុំ ឬ សេចក្តីគុំកួនធ្វើឲ្យអ្នកដទៃវិនាស;
- ថីនមិទ្ធៈ (Thīna-middha) : ការច្រអូសធុញទ្រាន់និងការងងុយដេក (sloth-torpor);
- ឧទ្ធច្ចកុក្កុច្ចៈ (Uddhacca-kukkucca) : សេចក្តីរាយមាយ និង សេចក្តីរសាប់រសល់ឬក្តៅក្រហាយក្នុងចិត្ត;
- វិចិកិច្ឆា (Vicikicchā) : សេចក្តីសន្ទិះសង្ស័យមិនដាច់ស្រេចក្នុងចិត្ត ។
ពីព្រោះថា នៅពេលដែលព្រះពុទ្ធលះចោលធម៌ទាំង៥នេះបាន គឺជាថ្ងៃដែលព្រះអង្គបានត្រាស់ដឹង ដែលទុកជាថ្ងៃល្អរបស់ពុទ្ធបរិស័ទ្យគ្រប់រូប៕
