មានរឿងមួយចំនួនរបស់មនុស្សស្រី ទោះចំណាយពេលមួយជីវិតនៅជាមួយគ្នាក៏ដោយ ក៏ប្រុសៗមិនបានដឹងដែរ តើមែនទេ? ជាការពិតណាស់ បុរសៗតែងប្រាថ្នាចង់ដឹងថា តើនៅពេលជួបជុំ នារីៗ ជាពិសេសនារីដែលខ្លួនស្រលាញ់កំពុងធ្វើអ្វី និយាយអ្វី? ប៉ុន្តែរឿងនេះ ទំនងជាពិបាកដឹងបន្តិចហើយ។
ប៉ុន្តែជាចៃដន្យ ខ្ញុំបានលឺរឿងមួយចំនួនដែលនារីៗតែងនិយាយគ្នាមិនអោយបុរសៗបានលឺ ដែលរឿងទាំងនោះមាន..៖
១. ទំនាក់ទនង
មិនថាពួកនាងចង់បានអ្វី មិនចង់បានអ្វី ចង់បានអ្នកណា មិនចង់បានអ្នកណា ចង់រាប់អានអ្នក មិនចង់រាប់អានអ្នក រឿងនេះជាប្រធានបទដំបូងដែលនារីៗជាច្រើនចាប់ផ្តើមវាឡើងនៅពេលជួបជុំគ្នាម្តងៗ ជាពិសេសពេលនិយាយទូរស័ព្ទនៅពេលយប់។
២. និយាយដើមគ្នាឯង និយាយដើមគ្រូ និយាយដើមមេ
ដូចជាលេងសើចបន្តិច តែវាជាការពិតណាស់ នារីៗជាច្រើនពេលជុំគ្នាម្តងៗ ប្រធានបទដែលពួកនាងតែងតែទំលាក់សំលេងអោយលឺតិចៗពេលនិយាយគ្នា និងសើចខ្លាំងៗពេលចុងបញ្ចប់នោះ គឺគ្មានអ្វីក្រៅពីនិយាយដើមគ្នាទៅវិញទៅមកទេ។ ច្រើនជាងនេះ បើសិនជាពួកនាងកំពុងរៀន គឺច្បាស់ជានិយាយដើមគ្រូ បើកំពុងធ្វើការគឺច្បាស់ជានិយាយដើមមេ.. ចឹងមែនអត់?
៣. និយាយពីរូបរាង ម៉ូដសក់
មិត្តភក្តិខ្លះត្អូញត្អែរថា ខ្ញុំឡើងគីឡូណាស់ឥឡូវនេះ ខ្ញុំមិនចង់ចេញទៅណាទៀតទេ ឯអ្នកខ្លះទៀតថា ខ្ញុំចង់បានសាច់ជាងហ្នឹង ចង់មានរាងប្រហែលតារាម្នាក់នោះ ចង់បានសក់ស្អាតដូចម្នាក់នេះ… ព្រោះនេះគឺជាអ្វីដែលមិត្តភក្តិនារីៗតែងនិយាយគ្នា។
៤. និយាយពីរឿងបុរសក្នុងសុបិន
នែឯង! អាប៉ិម្នាក់នោះណា ថារាងសង្ហារ ហើយសែនសង្ហារ ខ្ពស់ក៏ខ្ពស់ ស្អាតក៏ស្អាត គ្រាន់តែឃើញភ្លាមគ្នាបាក់ចិត្តតែម្តង។ មិនមែនជាការប្រឌិតទេ តែជាការពិត នារីៗជាច្រើនពេលដែលជួបជុំហើយ តែងលើកយកប្រធានបទបុរសៗក្នុងសុបិនរបស់ខ្លួនមកនិយាយប្រាប់គ្នា។ ចំនុចនេះមិនសូវខុសគ្នាជាមួយប្រុសៗប៉ុន្មានទេ។
៥. ទំនាក់ទំនងក្នុងគ្រួសារ
រឿងគ្រួសារជារឿងសំងាត់របស់បុគ្គលម្នាក់ៗ ប៉ុន្តែសម្រាប់មិត្តភក្តិជិតស្និទ្ធ មិនថាពេលណា ទីណា កំពុងគេង កំពុងងូតទឹក កំពុងញ៉ាំបាយ នារីៗតែងលើកយករឿងទំនាក់ទំនងក្នុងគ្រួសារមករាយរាប់ប្រាប់គ្នា។ ចឹងមែនអត?
៦. និយាយពីលក្ខណៈផ្សេងៗរបស់មនុស្សប្រុស
នែ! ម្នាក់នោះណា សង្ហារណាស់ សក់គេឡើងឡូយ…. ម្នាក់នុះវិញឡើងយ៉ាប់។ ជាការពិត ទ្រង់ទ្រាយរបស់បុរសៗត្រូវបាននារីៗយកមកធ្វើជាប្រធានបទសម្រាប់ពិភាក្សាស្ទើតែរៀងរាល់ការណាត់ជួបម្តងៗ …
៧. និយាយរឿងគ្រឿងសំអាង
ជាការពិតណាស់ គ្រឿងសំអាងគឺជាវត្ថុប្រចាំរបស់នារីៗ ដូច្នេះពួកនាងនឹងមិនចោលទេ ការសាកសួរគ្នាអំពីផលិតផលដែលពួកគេកំពុងប្រើ ជាពិសេសគឺរឿងតំលៃតែម្តង.. មែនទេ?
នៅមានជាច្រើនទៀតដែលខ្ញុំស្តាប់លឺមិនច្បាស់ តែចង់អោយនារីៗបញ្ចេញ់យោបល់ បើសិនជាចង់តវ៉ា អាចតវ៉ាបាន!
