ជាការពិត លទ្ធផល មិនសំខាន់ទេ ពីព្រោះវាត្រូវបានគេរំពឹងទុករួចទៅហើយតាំងពីពេលគេចាប់ផ្តើមធ្វើប្រតិបត្តិការ អ្វីដែលសំខាន់គឺ ការព្រមទទួលយកលទ្ធផល ព្រោះវាទើបជាអ្វីដែលអាចកំណត់ថា ប្រតិបត្តិករ អាចបន្តដំណើរទៅមុខបានទៀត ឬក៏ត្រូវឈប់ត្រឹមហ្នឹងរួចបោះបង់អ្វីៗទាំងអស់ចោល ឬត្រឡប់ទៅសិក្សាជាថ្មី។
ជាទូទៅ គ្មានការរំពឹងទុកណា ដែលនឹងអាចទទួលបានផលពេញបរិបូរតាមផែនការនោះទេ មិនថាកិច្ចការតូចតាចឬធំដុំ ឬសូម្បីដល់ថ្នាក់កិច្ចការដឹកនាំសហគ្រាស ឬក្រុមហ៊ុនធំៗ ដែលប្រតិបត្តិករ សុទ្ធតែជាកំពូលមនុស្សដែលមានសមត្ថភាពអាចវាយតម្លៃ និងប៉ាន់ស្មានលទ្ធផលទុកមុនតាមបែបវិទ្យាសាស្រ្តក៏ដោយ។
វាជាច្បាប់ធម្មជាតិទោះជាអ្នកពូកែគូសវាសយ៉ាងណា ក៏មិនអាចបញ្ចប់ទៅដោយភាពឥតខ្ចោះបានដែរ ពីព្រោះ…
អ្វីដែលអ្នកហៅថា ឥតខ្ចោះ នោះ គឺព្រោះតែអ្នកព្រមទទួលយកតម្លៃចុងក្រោយរបស់វាតែប៉ុណ្ណោះ។
ដកស្រង់ពីសៀវភៅ ជំនួញសុចរិត ដោយ ច្រឹង សម្បត្តិ
