ការថើបគឺជាការផ្សាភ្ជាប់សញ្ចេតនញ្ញាណរវាងមនុស្សពីរនាក់អោយកាន់តែជិតស្និទ្ធ។ ការថើបត្រូវបានបែងចែកទៅតាមប្រភេទ និងតាមលក្ខខ័ណ្ឌប្រពៃណីរបស់ជាតិសាសន៍នីមួយៗ ប៉ុន្តែការថើបគូស្នេហ៍ មានគូសង្សារ ប្តីប្រពន្ធ គឺជាអារម្មណ៍ត្រេកត្រអាលក្នុងផ្លូវស្នេហា និងការរួមភេទ ចឹងតើភាគីបុរសគួរធ្វើបែបណាដើម្បីកុំអោយដៃគូនារីរបស់ខ្លួនមានអារម្មណ៍ធុញទ្រាន់ក្នុងការថើបជាមួយអ្នក?
សូមអានផងដែរ៖ តំលៃនៃការថើបរបស់នារីៗ តើថើបបែបណាទើបបុរសចងចាំក្នុងចិត្តរហូត?
ថ្ងៃនេះ សិរីសួស្តី សូមធ្វើការចងក្រងនូវចំនុចពិសេសៗមួយចំនួនសម្រាប់បុរសៗ ពេលដែលថើបដៃគូស្នេហារបស់ខ្លួន។ ក្នុងនោះ រឿងដែលសំខាន់ជាងគេបង្អស់គឺការសំអាតខ្លួន សំអាតមាត់ និងប្រើកំលាំងដោយការថ្នាក់ថ្នម ប៉ុន្តែក៏មានដៃគូនារីខ្លះផាត់ចោលរឿងទាំងអស់នេះដែរ ដូច្នេះមានវិធី៣ផ្សេងទៀតដែលបុរសត្រូវតែជៀសវាងពេលកំពុងថើបគ្នា…៖
- កុំគិតរឿងផ្សេង ឬអ្នកផ្សេង ឬប្រាប់ពីអ្នកផ្សេងមុនពេលថើប៖ ជាការពិតណាស់ អ្នកត្រូវតែផ្តោតការយកចិត្តទុកដាក់តែលើនាងម្នាក់ប៉ុណ្ណោះ មិនគួររំលឹកប្រាប់នាង ឬគិតដោយខ្លួនអ្នក អំពីរឿងអ្នកផ្សងនោះទេ ព្រោះវាអាចធ្វើអោយអារម្មណ៍ពុះកញ្ជ្រោលថយចុះ ឬបាត់បង់អារម្មណ៍តែម្តងក៏មាន។ ការថើបដោយការយកចិត្តទុកដាក់ គឺស្មើនិងការជួយដុតរោលអារម្មណ៍ពុះកញ្ជ្រោលរបស់នាងដែរ។
- កុំប្រើកំលាំងសង្កត់ខ្លាំងៗ៖ អ្នកជាបុរសត្រូវគេដឹងថាមានកំលាំងខ្លាំងជាងនារី ដូច្នេះអ្នកត្រូវប្រុងប្រយ័ត្នជានិច្ចនៅពេលថើបមាត់ ដងខ្លួន ឬកន្លែងសំខាន់ណាមួយ ចូរអ្នកកុំប្រើកំលាំងរបស់អ្នកសង្កត់នាងខ្លាំងៗ ដូចជាសង្កត់ដើមទ្រូង សង្កត់ក្បាលពោះ សង្កត់ស្មា សង្កត់ក្បាលជាដើម ព្រោះការធ្វើបែបនេះវាងាយនឹងធ្វើអោយអារម្មណ៍ដៃគូរបស់អ្នកធ្លាក់ចុះ ដោយការឈឺចាប់ ឬនាងអាចគិតថាអ្នកជាមនុស្សមានតណ្ហាកំរោលចូល នឹងធ្វើអោយនាងខ្លាចអ្នកនៅពេលក្រោយ។
- កុំថើបគ្រាន់តែសម្រាប់លេងសើច៖ ជារឿងពិត ការលេងសើចសំខាន់ណាស់ក្នុងជីវិត ប៉ុន្តែការលេងសើចដោយការថើបគូស្នេហ៍ធ្វើអោយមានអារម្មណ៍ពុះកញ្ជ្រោល ហើយអ្នកបែជាងាកមកសើចលេងសប្បាយ ឬឈប់រវីរវល់និងនាងដោយគិតថា គ្រាន់តែជាការថើបលេងៗ នោះអ្នកពិតជាខុសហើយ។ សូមចងចាំថា បើអ្នកមិនច្បាស់លាស់ថាត្រូវបង្កើតភ្លើងស្នេហ៍ក្តៅរោលរាលជាមួយនាងទេ អ្នកកុំបង្កាត់វាអី តែបើអ្នកបង្កាត់វាអោយឆេះហើយ អ្នកត្រូវតែពន្លត់វិញដែរ ប៉ុន្តែការពន្លត់ភ្លើងស្នេហ៍រោលរាល មិនអាចយកការមិនរវីរវល់ ឬការដើរចេញ ឬការបញ្ឈប់សកម្មភាពមកពន្លត់នោះទេ វាត្រូវតែពន្លត់ដោយភ្លើងរោលរាលវិញដូចគ្នា។
ជាការដាស់តឿន ការថើបក្នុងលក្ខណៈស្នេហា ទាមទារអោយមានការព្រមព្រៀងទាំងពីរនាក់ ពុំនោះទេ ការថើបនោះនឹងក្លាយជារឿងដ៏សែនសោកសៅមួយក្នុងឆាកជីវិតពុំខាន។ ម្យ៉ាងទៀត បើអ្នកគិតថា អ្នកបានធ្វើបំពានលក្ខខ័ណ្ឌទាំង៣ខាងលើហើយ សូមចាប់ផ្តើមកែប្រែពីពេលនេះទៅ ពេលនោះអ្នកនឹងដឹងថា អារម្មណ៍ស្នេហ៍ពិតប្រាកដដែលទទួលបានពីដៃគូនារីរបស់អ្នកនោះយ៉ាងណាហើយ។
